Á Tæknidegi Háskólans í Reykjavík, sem haldinn er í dag 11. maí, voru afhentar viðurkenningar Tæknifræðingafélags Íslands fyrir framúrskarandi lokaverkefni. Önundur Jónasson, formaður TFÍ og Oddný Harðardóttir, fjármálaráðherra og starfandi iðnaðarráðherra afhentu nemendum viðurkenningarnar. Fimm verkefni hlutu viðurkenningu að þessu sinni en þau voru unnin á síðastliðnu ári.

Fyrirtækið Valka ehf. hlaut Vaxtarsprotann 2012 fyrir öfluga uppbyggingu sprotafyrirtækis á síðasta ári. Fram kemur í tilkynningu að fyrirtækið hafi meira en þrefaldað veltu sína milli áranna 2010 og 2011. Úr tæplega 130 milljónum kr. í um 410 milljónir. Fyrirtækin Kvikna, ORF Líftækni og Thorice fengu einnig viðurkenningar fyrir góðan vöxt.

Föstudaginn 11. maí verður árlegur Tæknidagur Tækni- og verkfræðideildar HR. Þá er gestum og gangandi boðið að heimsækja skólann til að kynna sér afrakstur verklegra og hagnýtra námskeiða og hið öfluga starf sem unnið er innan deildarinnar. Meðal annars mun TFÍ veita viðurkenningar fyrir vel unnin lokaverkefni. Nánari upplýsingar.