Deildir og faghópar

Innan VFÍ hafa verið starfandi 4 fagdeildir um áratuga skeið. Deildirnar starfa á grundvelli

14. greinar félagslaga

Innan vébanda VFÍ geta starfað sérgreinadeildir, landshlutadeildir, klúbbdeildir og hagsmunafélög. Sérgreinadeildir félagsmanna fjalla um málefni hinna ýmsu verkfræðigreina. Landshlutadeildir eru samtök félagsmanna, búsettra í hinum ýmsu landshlutum (héruðum). Klúbbdeildir félagsmanna starfa að ýmsum áhugamálum félagsmanna. Hagsmunafélög gæta hagsmuna félagsmanna sinna og geta í því sambandi, að fengnu samþykki stjórnar VFÍ, átt aðild að öðrum samtökum. Lög sérgreinadeilda, landshlutadeilda og klúbbdeilda og breytingar á þeim skulu hljóta samþykki aðalfundar VFÍ á sama hátt og lög VFÍ. Hagsmunafélag, sem óskar að starfa innan vébanda VFÍ, skal senda um það umsókn til stjórnar VFÍ. Stjórninni er skylt að leggja slíka umsókn fyrir aðalfund og geta hennar í fundarboði. Til samþykktar á slíkri aðild þarf einfaldan meirihluta atkvæða á aðalfundi. Deildir mega ekki koma fram opinberlega í nafni VFÍ nema með samþykki stjórnar. Hagsmunafélög skulu hafa sjálfstæðan fjárhag og koma fram opinberlega í eigin nafni. Deildir mega hafa sjálfstæðan fjárhag.

Faghópar

Á árinu 2000 voru stofnaðir þeir faghópar, sem ætlunin er að starfi á svipað hátt og deildirnar og hafa það sem megin verkefni að að efla faglega þekkingu félagsmanna á viðkomandi sviði. Í þessum tilgangi voru settir á fót Rekstrar- og fjármálahópur og Upplýsingatæknihópur.
Ennfremur var að tilhlutan nokkurra kvenna sett á fót kvennanefnd sem hefur það megin hlutverk:

• Að kvenverkfræðingar hafi jafnmikil áhrif og taki jafnan þátt í tækniþróun og karlverkfræðingar.
• Að auka ásókn kvenna í verkfræði- og tæknigreinar með því að gera kvenverkfræðinga sýnilegri svo til staðar sé fagleg fyrirmynd fyrir stúlkur.
• Að kynnast innbyrðis og styrkja stöðu kvenna innan stéttarinnar.

Til baka, Senda efni, Prenta efni