Kjarasamningur við Samtök atvinnulífsins (SA)

Eru viðmiðunarsamningur á almennum vinnumarkaði. Gildistími frá 1. apríl 2011.

Í mars 2011 tókust samningar við Samtök atvinnulífsins um ótímabundinn réttindasamning sem tók gildi 1. apríl 2011.

Samningurinn gildir fyrir verkfræðinga, tæknifræðinga, tölvunarfræðinga og byggingarfræðinga sem starfa á almennum markaði. Samningurinn breytir ekki eldri samningum aðila og rýrir ekki ákvæði í ráðningarsamningum.

Hvorki launatafla né prósentuhækkanir eru í samningnum en miða skal við laun á markaði hverju sinni. Sjá nánar kjarakannanir félaganna og kannanir á almennum markaði.

Orlofsuppbót greidd 1. maí 2011 er 30.300 kr. með innifalinni 10.000 kr. eingreiðslu.

Desemberuppbót greidd 1. desember 2011 er 70.400 kr.  með innifalinni 15.000 kr. eingreiðslu.

Samkvæmt kjarasamningnum greiða fyrirtækin í eftirtalda sjóði viðkomandi kjarafélags.

• Í Sjúkrasjóð 1% af heildarlaunum.
• Í Orlofssjóð 0,25% í af heildarlaunum.
• Í Starfsmenntunarsjóð 0,22% af heildarlaunum.

        Valkvætt er hvort samið er um að vinnuveitandi greiði í Starfsmenntunarsjóð, en skylt að greiða í aðra sjóði.

• Í Starfsendurhæfingarsjóð 0,13% af heildarlaunum. Athugið að greiðslu ber að skila til lífeyrissjóðs.