Orlofshús í Húsafelli

Gagngerar endurbætur voru gerðar á bústaðnum vorið 2011.

Bústaðurinn í Húsafelli er umvafinn gróðri og stendur á frábærum stað skammt frá þjónustumiðstöðinni. Stutt er í sundlaugina, á golfvöllinn og í verslunina. Bústaðurinn er í góðu skjóli frá öðrum bústöðum.

Í eldhúsi er eldavél með bakaraofni og stór ísskápur með frysti. Öll helstu eldhúsáhöld fylgja ásamt örbylgjuof ni. Stofan er rúmgóð með borðkrók, svefnherbergi eru þrjú; hjónaherbergi, eitt herbergi með 120 cm breiðu rúmi og annað með kojum fyrir tvo og ungbarnarúmi. Skápar eru í öllum herbergjum. Baðið er með skáp og sturtu. Í húsinu eru einnig lausar dýnur og rúmar því 5-8 manns.

Í húsinu er sjónvarp, DVD spilari og útvarp með geislaspilara. Umhverfis húsið er góður pallur með heitum potti og gasgrilli.

Frá Húsafelli er stutt að fara í ferðir á Langjökul. Reykholt og Barnafossar eru í næsta nágrenni ásamt Surtshelli. Mikið er um fallegar og skemmtilegar gönguleiðir á svæðinu.

Húsreglur, ráðlegt er að prenta þær út og taka með í bústaðinn.