Starfsmenntunarsjóðir

Fyrir verkfræðinga sem starfa hjá ríki eða Reykjavíkurborg og öðrum sveitarfélögum.

Í kjarasamningum VFÍ við Ríki, Reykjavíkurborg og Launanefnd sveitarfélaga er ákvæði um greiðslur í Starfsmenntunarsjóði.  Verkfræðingar hjá ríki eiga aðild að Starfsmenntunarsjóði VFÍ - ríki og verkfræðingar hjá Reykjavíkurborg og sveitarfélögum eiga aðild að öðrum sjóði, Starfsmenntunarsjóði VFÍ - borg.

Starfsmenntunarsjóður - ríki

Ríkissjóður og ofh. og ehf. fyrirtæki sem voru áður ríkisstofnanir greiða mánaðarlega framlag í Starfsmenntunarsjóð VFÍ - ríki.

Umsóknir eru afgreiddar á stjórnarfundum. Upphæð hámarksstyrks  er 450.000 kr. Um réttindasöfnun má lesa í starfsreglum sem eru á stikunni hér til vinstri á síðunni.  Þar er einnig umsóknareyðublað. 

Styrkir eru veittir til að sækja námskeið og ráðstefnur, kaupa  á bókum tölvum o.s.frv.  Upphæð tölvustyrkja er 200 þúsund kr.  Fjögur ár þurfa að líða milli tölvustyrkja.

Rafrænt umsóknareyðublað er hér til vinstri á síðunni. Athugið að skila verður frumriti af reikningum.

Nánari upplýsingar og fyrirspurnir.

Starfsmenntunarsjóður - borg

Reykjavíkurborg greiðir mánaðarlega framlag í sjóðinn, einnig sf. og ehf. fyrirtæki sem áður voru borgarstofnun.

 Verkfræðingar, sem starfa hjá öðrum sveitarfélögum geta verið félagar í sjóðnum svo fremi að þeir eigi ekki aðild að öðrum sambærilegum sjóðum. 

Umsóknir eru afgreiddar á stjórnarfundum. Upphæð hámarksstyrks  er 480.000 kr. sem tók gildi 1. janúar 2008.  Um réttindasöfnun má lesa í starfsreglum sem eru á stikunni hér til vinstri á síðunni.  Þar er einnig umsóknareyðublað. 

Styrkir eru veittir til að sækja námskeið og ráðstefnur, kaupa á bókum, tölvum o.s.frv.  Upphæð tölvustyrkja er 200.000 kr.   Hækkun styrks tók gildi  1. janúar 2010.

 Rafrænt umsóknareyðurblað er hér til vinstri á síðunni.  Athugið að skila verður frumriti af reikningum. 

 Nánari upplýsingar og fyrirspurnir.