Beint í leiðarkerfi vefsins.

Sameiginlegar

Fyrirsagnalisti

9.9.2010 : Áhugaverð námskeið hjá Endurmenntun HÍ

Í haust býður Endurmenntun HÍ félagsmönnum VFÍ, TFÍ og SV 15% afslátt af nokkrum námskeiðum, upplýsingar eru í skjalinu. Þá er rétt að minna sérstaklega á námskeiðin ÍST 66:2008 Kólnunartölur og varmatap húsa og Sjálfbærar ofanvatnslausnir. Félagsmenn fá 20% afslátt af þeim námskeiðum og öðrum sem eru í samstarfi Endur- og símenntunarnefndar félaganna (Ensím) og Endurmenntunar HÍ.

 

1.9.2010 : Verkefni án landamæra

Haustráðstefna Verkefnastjórnunarfélags Íslands verður haldin á Hilton Reykjavík Nordica Hótel fimmtudaginn 23. september. Ber hún yfirskriftina: Verkefni án landamæra. Skráning er á vef ráðstefnunnar  og þar er hægt að kynna sér dagskrána og fyrirlesara en þeir koma víðsvegar að og eru með fjölbreyttan bakgrunn. Hér er bæklingur ráðstefnunnar.
 

30.6.2010 : Eyjafjallajökull og flugrekstur

Dagana 15. - 16. september mun Flugakademía Keilis standa fyrir ráðstefnu um eldgosið í Eyjafjallajökli og áhrif öskufalls á flugrekstur. Til ráðstefnunnar hefur verið boðið vísindamönnum, forráðamönnum í flugrekstri og fulltrúum opinberra aðila. VFÍ og TFÍ eru samstarfsaðilar Keilis við undirbúning ráðstefnunnar og fá félagsmenn 50% afslátt af þátttökugjaldi.

Lesa meira
 

25.6.2010 : Skrifstofan er lokuð í júlí

Vinsamlega athugið að skrifstofa félaganna verður lokuð frá og með 1. júlí til 2. ágúst vegna sumarleyfa.

 

21.6.2010 : Rafræn fræðslukönnun

Félagsmönnum í VFÍ, TFÍ og SV hefur verið send stutt fræðslukönnun. Markmiðið er að kanna áhuga félagsmanna og fá upplýsingar um hvernig hægt er að koma til móts við óskir þeirra þegar kemur að framkvæmd og skipulagi námskeiða á vegum Endurmenntunar HÍ. Félagsmenn eru hvattir til að taka þátt í könnuninni en hún verður opin til 24. júní.

 

1.6.2010 : Nokkur sæti laus í Rýnisferðina

Vegna forfalla eru nokkur sæti laus í Rýnisferðina sem farin verður 2. - 7. september. Ferðin er skipulögð af Tæknifræðingafélagi Íslands en verkfræðingar eru velkomnir í ferðina. Skjalið sem hér fylgir inniheldur dagskrána og upplýsingar um skráningu og kostnað. Þess ber að geta að sjóðfélagar í vísinda- og starfsmenntunarsjóðum KTFÍ og SV geta sótt um styrk til ferðarinnar hjá viðkomandi félagi.
 

3.5.2010 : Bjarki er nýr stjórnarformaður Lífsverk

Á fundi stjórnar Lífeyrisjóðs verkfræðinga 30. apríl var samþykkt ný verkaskipting stjórnar. Bjarki A. Brynjarsson, sem kjörinn var í stjórn á síðasta aðalfundi, er nýr stjórnarformaður sjóðsins. Kristján M. Ólafsson er nýr varaformaður og Birna Pála Kristinsdóttir var endurkjörin formaður endurskoðunarnefndar. Á fundinum var einnig samþykkt að boða til sjóðfélagafundar föstudaginn 21. maí. Á fyrrnefndum aðalfundi bar helst til tíðinda að í lok fundar var samþykkt vantrausttillaga á stjórn sjóðsins og hún hvött til að segja af sér. Áður hafði verið samþykkt tillaga stjórnar um 10% skerðingu réttinda sjóðfélaga. Lesa meira
 

29.4.2010 : Rýnisferð 2010 - dagskrá

Nú liggur fyrir ítarleg dagskrá fyrir Rýnisferðina sem farin verður 2. - 7. september. Ferðin er skipulögð af Tæknifræðingafélagi Íslands en verkfræðingar eru velkomnir í ferðina. Skjalið sem hér fylgir inniheldur dagskrána og upplýsingar um skráningu og kostnað. Þess ber að geta að sjóðfélagar í vísinda- og starfsmenntunarsjóðum KTFÍ og SV geta sótt um styrk til ferðarinnar hjá viðkomandi félagi.
 
Þú ert hér: Forsíða > Um VFÍ > Fréttir > Sameiginlegar

vfi.is

Um VFÍ

Leita á vefnum

Útlit síðu:

Efraval

Verkfræðingafélag Íslands | vfi@verktaekni.is| Engjateigi 9 | IS105 Reykjavík | Sími +354 535 9300 | Bréfsími +354 535 9311

Þetta vefsvæði byggir á Eplica