VFÍ er stærsta og öflugasta félag tæknimenntaðra á Íslandi.
Menntamálanefnd VFÍ afgreiðir umsóknir um aðild að VFÍ og/eða starfsheitið.
Þeir sem lokið hafa viðurkenndu verkfræði- eða tæknifræðinámi geta orðið félagsmenn í VFÍ. Ungfélagaaðild er fyrir þá sem stunda nám í verkfræði eða tæknifræði. Ungfélagar greiða ekki félagsgjald.
Inntökubeiðni í VFÍ og/eða umsókn um starfsheiti
- Umsókninni þarf að fylgja staðfest prófskírteini frá viðkomandi skóla ásamt ferilskrá sem lýsir námi og skilgreiningu á einingum. Fram þarf að koma hvaða ár nám hófst og hvenær því lauk.
- Hægt er að sækja um hér eða koma á skrifstofuna að Engjateigi 9, Reykjavík.
- Þeir sem útskrifast frá Verkfræði- og náttúruvísindasviði Háskóla Íslands eða Tækni- og verkfræðideild Háskólans í Reykjavík geta heimilað félaginu að sækja námsferilskrána til viðkomandi skóla í stað þess að senda hana inn.
- Ef einungis er sótt um starfsheiti hjá Háskóla-,
iðnaðar- og nýsköpunarráðuneyti þarf að leggja fram frumskjöl þar sem eru upplýsingar um próf og prófgráður. Ráðuneytið leitar umsagnar hjá VFÍ hvort umsækjandi uppfylli skilyrði til að nota starfsheitið verkfræðingur/tæknifræðingur.
- Æskilegt er að upplýsingar um undanfara verkfræði- eða tæknifræðináms fylgi. Þ.e. stúdentspróf, sveinspróf eða annað sambærilegt próf, hvaða ár prófi var lokið og frá hvaða skóla.
Mynd þarf að fylgja umsókn ef um inntökubeiðni í félagið er að ræða.
Athugið. Umsóknir verða ekki teknar til afgreiðslu fyrr en upplýsingar liggja fyrir sbr. hér að ofan.
Reglur um mat á umsóknum um leyfi til að kalla sig tæknifræðing.
Umsækjendum er bent á að kynna sér vel inntökureglur og félagslög VFÍ.
Fyrirspurnum um umsóknir svarar skrifstofa VFÍ.