Orðanefnd RVFÍ
Er elsta starfandi orðanefndin á landinu.
Orðanefnd RVFÍ, sem heitir fullu nafni Orðanefnd rafmagnsverkfræðingadeildar Verkfræðingafélags Íslands, er langelsta starfandi orðanefnd landsmanna. Hún var stofnuð 16. maí 1941 á fyrsta aðalfundi nýstofnaðrar RVFÍ, og er beinn arftaki Orðanefndar Verkfræðingafélags Íslands, sem lét að sér kveða á árunum 1919 til 1926 og á ný í nokkur skipti árið 1933, þegar til umræðu voru íðorð í Reglugerð um raforkuvirki.
Orðanefnd RVFÍ var upphaflega skipuð þremur mönnum úr 13 manna félagsdeild rafmagnsverkfræðinga, og fjölgaði þeim lítið fyrstu áratugina. Frá 1948 til 1958 voru þeir fjórir og fimm næstu 10 árin. Árið 1969 var fjölgað í nefndinni upp í átta. Árið 1968 komst fjöldi nefndarmanna upp í 10 og hefur haldist í 9 til 10 síðan. Lengstan starfsaldur átti Jakob Gíslason, einn af hvatamönnun að stofnun nefndarinnar og fyrsti formaður RVFÍ, þegar hann lét af störfum með nefndinni um áramótin 1986/1987 eftir 39 ára starf í henni. Þessum árafjölda hafa nú þegar tveir nefndarmanna til viðbótar náð. Alls hafa níu nefndarmenn náð 30 ára starfsaldri eða meira í nefndarstörfum, þar af fimm núverandi nefndarmenn.
Auk nefndarmanna starfar íslenskufræðingur með nefndarmönnum sem ráðgjafi. Nefndin heldur vikulega fundi, og á undanförnum 32 árum hafa fundir verið um 32 að meðaltali á hverju ári.
Fljótlega eftir að nefndin hóf störf, urðu íðorð úr orðasafni Alþjóða raftækniráðsins, International Electrotechnical Vocabulary, IEV, viðfangsefni nefndarinnar. Alþjóða orðasafnið skiptist í u.þ.b. 80 kafla eftir greinum rafmagnsfræðinnar og efnisþáttum þeirra. ORVFÍ hefur safnað saman og samið íðorð úr 43 köflum safnsins. Að auki hefur nefndin þýtt íðorð í orðasafni Alþjóðlegu ljóstækninefndarinnar, CIE, og orðasafni Alþjóða orkuráðsins, WEC.
ORVFÍ hefur gefið út íðorðasafn sitt í 17 orðabókum:
| Orðasafn II | Rafmagnsfræði. Danskt-íslenzkt bráðabirgða orðasafn. |
Prentað sem handrit. Reykjavík |
1952 | |
| Raftækni- og ljósorðasafn. | Menningarsjóður, Reykjavík | 1965 | ||
| Raftækni- og ljósorðasafn, 2.bindi. | Menningarsjóður, Reykjavík | 1973 | ||
| Raftækniorðasafn |
1 |
Þráðlaus fjarskipti | Menningarsjóður, Reykjavík | 1988 |
| Raftækniorðasafn |
2 |
Ritsími og talsími | Menningarsjóður, Reykjavík | 1989 |
| Raftækniorðasafn |
3 |
Vinnsla, flutningur og dreifing raforku | Menningarsjóður, Reykjavík | 1990 |
| Raftækniorðasafn |
4 |
Rafeindalampar og aflrafeindatækni. | Menningarsjóður, Reykjavík | 1991 |
| Raftækniorðasafn |
5 |
Rofbúnaður, stýribúnaður og vernd raforkukerfa | Orðanefnd RVFÍ, Reykjavík | 1996 |
| Íslenskt-enskt, enskt-íslenskt raftækniorðasafn. | Orðanefnd RVFÍ, Reykjavík | 1997 | ||
| Raftækniorðasafn |
6 |
Mælitækni, mælispennar og gjaldskrár raforku. | Orðanefnd RVFÍ, Reykjavík | 1998 |
| Raftækniorðasafn |
7 |
Strengir, línur, einangrarar og orkumál. | Orðanefnd RVFÍ, Reykjavík | 2000 |
| Raftækniorðasafn |
8 |
Rafvélar, aflspennar, spanöld og aflþéttar | Orðanefnd RVFÍ, Reykjavík | 2001 |
| Raftækniorðasafn |
9 |
Ljóstækni | Orðanefnd RVFÍ, Reykjavík | 2001 |
| Raftækniorðasafn | 10 | Sjálfvirk stýring og fjarstýring | Orðanefnd RVFÍ, Reykjavík | 2002 |
| Raftækniorðasafn | 11 | Fjarskiptanet, skiptitækni og merkjagjöf | Orðanefnd RVFÍ, Reykjavík | 2003 |
| Raftækniorðasafn | 12 | Ljósleiðara- og geimfjarskipti | Orðanefnd RVFÍ, Reykjavík | 2004 |
| Raftækniorðasafn | 13 | Loftnet og bylgjuútbreiðsla | Orðanefnd RVFÍ, Reykjavík | 2008 |
Að auki er íðorðasafn RVFÍ á vef Íslenskrar málstöðvar ásamt fjölmörgum öðrum íðorðasöfnum, en þar er það þó án allra skilgreininga hugtaka, eins og þær er að finna í prentuðu Raftækniorðasafni.
Félagar í Orðanefnd RVFÍ eru nú:
Gunnar Ámundason, Gústav Arnar, Hreinn Jónasson, Ívar Þorsteinsson, Jón Þóroddur Jónsson, Sigurður Briem, Sæmundur Óskarsson og Þorvarður Jónsson.
Jóhannes B. Sigtryggsson er ráðgjafi nefndarinnar um íslenskt mál og situr nefndarfundi.
Upplýsingar um helstu áfanga í starfi ORVFÍ og dæmi um íðorð.
Ávarp Bergs Jónssonar, formanns ORVFÍ, á 70 ára afmæli nefndarinnar.