Umsóknum og fylgigögnum er skilað rafrænt á Mínum síðum.

Samkvæmt kjarasamningi við Samtök atvinnulífsins greiðir vinnuveitandi 0,22% af öllum launum í sérstakan Starfsmenntunarsjóð.  FRV stofur greiða ekki í sjóðinn en sérstök ákvæði eru um endurmenntun í kjarasamningi. Markmið sjóðsins er að styrkja fjárhagslegan grundvöll endurmenntunar sjóðfélaga, skilyrði er að hún tengist beint menntun eða starfi viðkomandi. Athugið að tómstundanámskeið eru ekki styrkhæf. 

Styrkir eru veittir til að sækja námskeið og ráðstefnur, kaup á bókum, tölvum o.s.frv. Ekki eru veittir styrkir vegna kaupa á snjallsíma, snjallúri eða prentara.

Rafrænt umsóknareyðublað er að finna í valmyndinni. Athugið að skila verður afriti af reikningum. Þar verða að koma fram upplýsingar um söluaðila og nafn sjóðfélaga. Við erlendar greiðslur þarf einnig að skila greiðslustaðfestingu þar sem kemur fram upphæð í íslenskum krónum.