Austurlandsdeild Verkfræðingafélags Íslands (AVFÍ) stendur fyrir vísindaferð og kynningu á uppbyggingu Hamborgar í Fljótsdal.

Hamborg er nýr byggðarkjarni í Fljótsdal þar sem unnið er að spennandi uppbyggingu íbúðarhúsnæðis og innviða, meðal annars með áherslu á nýtingu íslensks timburs.

Vettvangsskoðun

Í ferðinni verður verkefnið skoðað á vettvangi, húsnæði sem er í byggingu og framkvæmdir kynntar.

Kvöldverður og kynning

Að ferð lokinni verður haldið á Gistihúsið á Egilsstöðum, þar sem boðið verður upp á kvöldverð og nánari kynningu á verkefninu, hönnun, framkvæmdum og framtíðaráformum.

Rútuferðir

Ef næg þátttaka næst verður boðið upp á rútuferð með eftirfarandi brottfarartímum:

• Kl. 16:00: Brottför frá Alcoa Fjarðaáli.
• Kl. 16:50: Brottför frá Egilsstöðum við Frú Nielsen.

Að öðrum kosti verður sameinað í einkabíla til að keyra inn í Fljótsdal.

Skráning

Skráning fer fram með tölvupósti á tilkynningar@verktaekni.is.

Skráningarfrestur er til mánudagsins 2. nóvember 2026.