Stofnanasamningur er samningur milli stéttarfélags og tiltekinnar stofnunar og telst hluti af kjarasamingi. Í stofnanasamningi er m.a. að finna röðun starfa í launaflokka og viðbætur á laun vegna persónubundinna og tímabundinna þátta.
Með persónubundnum þáttum er átt við þætti sem gera menn hæfari í starfi, til dæmis viðbótarmenntun sem nýtist í starfi og starfsreynsla. Með tímabundnum þáttum er til dæmis átt við viðbótarábyrgð og/eða álag vegna sérstakra verkefna, hæfni, árangurs og/eða frammistöðu.
Hvað er stofnanasamningur?
- Er samningur milli stofnunar og stéttarfélags.
- Byggir á almennum kjarasamningi.
- Tekur til atriða innan stofnunar, til dæmis vinnutíma og skipulags, ráðstöfun launafjár, starfsþróunar og fræðslu.
- Gildir aðeins innan viðkomandi stofnunar.