Nýr vefur Verkfræðingafélags Íslands hlaut tvær tilnefningar til Íslensku vefverðlaunanna, sem veitt eru árlega af Samtökum vefiðnaðarins (SVEF).

Vefur VFÍ er tilnefndur í eftirfarandi flokkum:

• Efnis- og fréttaveita ársins
• Fyrirtækjavefur ársins – lítil fyrirtæki

Íslensku vefverðlaunin eru uppskeruhátíð vefiðnaðarins á Íslandi þar sem viðurkenning er veitt fyrir framúrskarandi stafrænar lausnir, vefi og forrit sem hafa skarað fram úr á árinu.

Nýr vefur VFÍ hefur það markmið að bæta þjónustu við félagsfólk, gera efni félagsins aðgengilegra og styrkja stafræna miðlun félagsins.

Verðlaunin verða afhent á hátíðlegri athöfn í Hörpu 26. mars nk.

Ljósmynd: Varnargarðar á Reykjanesi.