Sæmd heiðursmerki Verkfræðingafélagsins
Viðurkenning fyrir framlag til samfélagsins og VFÍ.
Verkfræðingarnir Árni Jónsson, Björn Karlsson og Guðrún Arnbjörg Sævarsdóttir voru nýverið sæmd heiðursmerki Verkfræðingafélags Íslands.
Heiðursmerki VFÍ má veita í viðurkenningarskyni fyrir vel unnin störf á sviði verkfræði og tæknifræði eða vísinda, fyrir framtak til eflingar verkfræðinga- og tæknifræðingastéttinni í heild eða fyrir félagsstörf í þágu stéttarinnar.
Á myndinni eru frá vinstri: Helgi Gunnarsson formaður VFÍ, Árni Jónsson, Guðrún Arnbjörg Sævarsdóttir, Björn Karlsson og Árni B. Björnsson framkvæmdastjóri VFÍ.
Umsagnir sem ritaðar voru í viðurkenningarskjölin eru hér fyrir neðan.
Alls hafa 133 einstaklingar hlotið heiðursmerki VFÍ í 105 ára sögu félagsins.