Fjölbreytt útgáfustarfsemi

VFÍ gefur út ýmiss konar efni, má þar helst nefna:

Verktækni - félagsblað - birtir fréttir, viðtöl, stuttar greinar og umræðu um tæknimál líðandi stundar og ýmislegt annað efni. Á árinu 2013 kemur út fyrsta tölublað Verktækni - tímarit VFÍ/TFÍ sem er ætlað að vera vettvangur fyrir tæknigreinar og ritrýndar greinar sem áður birtust í Árbók félaganna. Blaðið er gefið út í samvinnu við Tæknifræðingafélag Íslands. Ritstjóri er Sigrún S. Hafstein.

Árbók - annáll liðins árs - Auk þess að fjalla um störf félaganna á liðnu starfsári gaf Árbókin góða yfirsýn yfir framkvæmdir, þróun og framfarir á sviði tækni og vísinda á hverjum tíma. Árbókin var síðast gefin út í desember 2011.

Orðanefndir VFÍ hafa á undanförnum árum gefið út fjölda tækniorðasafna.

Efling raungreinakennslu í framhaldsskólum á Íslandi - Greinargerð byggð á röð funda á vegum VFÍ í janúar til apríl 1996.

Útflutningur tækniþekkingar - Greinargerð og tillögur VFÍ.   

Verkfræðingatal kom síðast út árið 1996 og hefur að geyma upplýsingar um 1900 verkfræðinga. Fyrri útgáfur eru frá 1956, 1966 og 1981.

VFÍ hefur haldið fjölmargar ráðstefnur á undanförnum árum, þar sem athygisverð erindi hafa verið flutt. Efni frá flestum þessum ráðstefnum er hægt að kaupa á skrifstofu VFÍ.