• johannes_zoega

Málþing til heiðurs Jóhannesi Zoëga

Haldið 9. nóvember í höfuðstöðvum OR.

2. nóv. 2017

Á þessu ári eru 100 ár liðin frá fæðingu Jóhannesar Zoëga verkfræðings, sem var hitaveitustjóri í Reykjavík í aldarfjórðung, á einhverjum mestu uppbyggingarárum hennar. Í hans tíð var lokið við hitaveituvæðingu alls höfuðborgarsvæðisins með tilheyrandi lífskjarabótum fyrir verulegan hluta þjóðarinnar. Tækniþróun innan Hitaveitu Reykjavíkur gerði kleift að útvega heitt vatn fyrir sívaxandi fjölda íbúa. Grunnur var líka lagður að nýtingu háhitasvæða fyrir hitaveituna í tíð Jóhannesar.

Jóhannes var gerður að heiðursfélaga Verkfræðingafélags Íslands 1997.

Orkuveita Reykjavíkur heldur málþing til heiðurs Jóhannesi á afmælisdegi hitaveitunnar en 9. nóvember 1930 varð Austurbæjarskóli fyrsta húsið sem tengt var borholum við Þvottalaugarnar í Laugardal. 

Málþingið verður 9. nóvember, kl. 14:30 og er haldið í höfuðstöðvum OR að Bæjarhálsi 1.

Dagskrá

Stefán Pálsson, sagnfræðingur: Ævi og störf Jóhannesar.

Dr. Einar Gunnlaugsson, jarðefnafræðingur hjá OR – Hitaveita Reykjavíkur í 87 ár.

Hildigunnur H. Thorsteinsson, framkvæmdastjóri Þróunar hjá OR – Hengillinn; hvað höfum við lært á aldarfjórðungi?

Þorleikur Jóhannesson, verkfræðingur hjá VERKÍS – Djúpdælubyltingin.

Ásdís Kristjánsdóttir, forstöðumaður efnahagssviðs SA – Hitaveitan og þjóðarhagur.

Kjartan Magnússon, borgarfulltrúi og stjórnarmaður OR - Hitaveitan og lífsgæðin.

Að erindunum loknum munu eftirtalin taka þátt í spjallborði um hitaveituna og áhrif hennar samfélagið:
Stefán Pálsson sagnfræðingur.
Halldóra Geirharðsdóttir, leikkona og daglegur sundlaugagestur.
Kjartan Magnússon borgarfulltrúi og stjórnarmaður í OR.

Dr. Brynhildur Davíðsdóttir, stjórnarformaður OR, mun stýra málþinginu. Að því loknu er boðið upp á veitingar.