Anna Beta Gísladóttir, byggingarverkfræðingur
Framboð til aðalstjórnar Verkfræðingafélags Íslands.
Nafn: Anna Beta Gísladóttir.
Fæðingardagur: 23. maí 1988.
Vinnustaður: Ráður ehf.
Starf: Meðeigandi og ráðgjafi.
Menntun: MS-próf í byggingarverkfræði frá Háskóla
Íslands.
Reynsla af félagsstörfum og önnur starfsreynsla
Starfaði með námi hjá Rannsóknarmiðstöðinni í jarðskjálftaverkfræði og á verkfræðistofunni Mannviti. Vann eftir útskrift hjá Eflu verkfræðistofu á buðarþolssviði og sinnti margvíslegum verkefnum tengdum burðarþolshönnun, framkvæmdum, gagnaúrvinnslu og annarri verkfræðilegri ráðgjöf. Stofnaði ráðgjafafyrirtækið Ráð árið 2017 sem sérhæfir sig í að veita fyrirtækjum og stofnunum ráðgjöf við innleiðingu gæðakerfa og framkvæmd greininga í tengslum við Jafnlaunastaðal ÍST 85. Hef sinnt kennslu og sit í tækninefnd hjá Staðlaráði Íslands við endurskoðun á Jafnlaunastaðli. Hef setið í stjórn VFÍ frá apríl 2019.
Helstu áherslur vegna framboðs
Halda
áfram fróðlegu og gefandi starfi innan VFÍ og stuðla að áframhaldandi eflingu
starfsins innan félagsins. Áherslumál lúta að því að:
- Halda á lofti áherslum er varða jafnréttismál, hvort sem um er að ræða á grundvelli kyns eða annarra þátta.
- Standa vörð um orðspor og ímynd félagins, meðal annars með því að auka sýnileika félagsins út á við og auka upplýsingagjöf til almennings og félagsmanna.
- Stykja starf deilda og faghópa innan félagsins og stuðla að aukinni þátttöku breiðari hóps félagsmanna að starfinu.
- Standa vörð um gæði menntunar og orðspors fagsins ekki síst með áherslu á grunnmenntun tengda verk- og tæknifræði.