Mikilvægt að tryggja réttindi.

Mikilvægur þáttur í starfsemi VFÍ er að aðstoða félagsmenn að gera ráðningarsamninga. Þegar gerðir eru svokallaðir einstaklingsbundnir ráðningarsamningar er mjög mikilvægt að vanda vel gerð ráðningarsamnings.

Einstaklingsbundinn ráðningarsamningur þýðir að vinnuveitandi er ekki aðili að kjarasamningi við VFÍ. 

VFÍ hefur gert uppkast að ráðningarsamningi fyrir félagsmenn sína í samvinnu við lögfræðinga. Ef félagsmenn hafa spurningar varðandi þennan samning þá er þeim bent á að hafa samband við sviðsstjóra kjaramála.

Félagsmenn eru eindregið hvattir til að kynna sér efni þessa samnings þar sem ráðningarsamningur getur haft veruleg áhrif á réttarstöðu launþega. 

Félagsmönnum er bent á að VFÍ býður lögfræðilega aðstoð við gerð og mat á slíkum samningum. Þessi þjónusta er ókeypis fyrir félagsmenn.

Samningsform FRV

Samningsform FRV - viðauki

Almennur vinnumarkaður

Gagnlegar upplýsingar eru á vinnuréttarvef ASÍ.

Að gefnu tilefni er vakin athygli á því að samkvæmt jafnréttislögum er starfsmaður ekki bundinn af því ef sett er skilyrði í ráðningarsamning um að trúnaður skuli ríkja um laun hans.