Kvennanefnd

Stofnuð 17. febrúar 2000.

Stjórn Kvennanefndar VFÍ

Heiða Njóla Guðbrandsdóttir, formaður		696 3469	heidanjola@gmail.com
Emilía Maí Gunnarsdóttir			emiliamaigunnars@gmail.com
Gyða Mjöll Ingólfsdóttir		412 6229	gydamjoll@gmail.com
Jóhanna Björk Pálsdóttir			johannabjorkp@gmail.com
Kolbrún Reinholdsdóttir			kolbrun.reinholdsdottir@efla.is

Facebooksíða Kvennanefndar VFÍ.

Að danskri fyrirmynd

Þann 17. febrúar árið 2000 var stofnuð Kvennanefnd innan Verkfræðingafélags Íslands. Sambærilegar nefndir höfðu þá starfað um árabil innan verkfræðingafélaganna á hinum Norðurlöndunum og framtakssamar konur í hópi verkfræðinga töldu rétt að stofna slíka nefnd hér á landi. Við undirbúning að stofnun nefndarninnar var sérstaklega litið til kvennanefndar IDA, danska verkfræðinga- og tæknifræðingafélagsins, sem þá hafi starfað í fimmtán ár með góðum árangri.

Á stofnfund kvennanefndarinnar mættu 20 konur og þar voru markmið nefndarinnar kynnt en þau eru meðal annars:

• Að kvenverkfræðingar hafi jafnmikil áhrif og taki jafnan þátt í tækniþróun og karlverkfræðingar.
• Að auka ásókn kvenna í verkfræði- og tæknigreinar með því að gera kvenverkfræðinga sýnilegri svo til staðar sé fagleg fyrirmynd fyrir stúlkur.
• Að kynnast innbyrðis og styrkja stöðu kvenna innan stéttarinnar.

Fyrir 1980 höfðu samtals 14 konur lokið prófi í verkfræði. Í Verkfræðingatali sem gefið var út 1996 eru 100 konur sem lokið hafa verkfræðiprófi. Þegar VFÍ og TFÍ voru sameinuð undir lok árs 2016 voru konur um 20% félagsmanna í VFÍ en aðeins um 5% í TFÍ.

Brautryðjendurnir

Þann 7. júní 2013 heiðraði Kvennanefnd VFÍ fjórar konur sem fyrstar íslenskra kvenna luku verkfræðiprófi. Í tilefni af viðurkenningunni var Margréti Guðmundsdóttur sagnfræðingi falið að taka saman stutt ágrip af ævi þessara merku frumkvöðla.

Kristín Kristjánsdóttir Hallberg.
Sigrún Helgadóttir.
Sigríður Á. Ásgrímsdóttir.
Guðrún Hallgrímsdóttir.