Aðalfundur Verkfræðingafélags Íslands 2022
Haldinn í Verkfræðingahúsi, skrá verður þátttöku í fjarfundi.
Aðalfundur Verkfræðingafélags Íslands verður haldinn fimmtudaginn 28. apríl kl. 17:00. Fundurinn verður í Verkfræðingahúsi, Engjateigi 9. Félagsmenn sem vilja tengjast í fjarfundi eru beðnir um að skrá þátttöku með því að senda póst á: tilkynningar@verktaekni.is í síðasta lagi kl. 13 á aðalfundardegi. Þeir sem skrá sig munu fá hlekk á fundinn í tölvupósti og geta lagt fram fyrirspurnir í spjallinu og/eða tekið til máls. Ársskýrsla ásamt ársreikningi 2021 verður þá einnig birt á vef VFÍ.
Samkvæmt félagslögum á að skila framboðum í stjórnir félagsins og tillögum sem leggja á fyrir aðalfund eigi síðar en 15. febrúar. Fimm einstaklingar buðu sig fram til aðalstjórnar VFÍ. Rafrænni kosningu lauk 19. apríl. Sjálfkjörið er í stjórn Kjaradeildar og stjórn Deildar stjórnenda og sjálfstætt starfandi í VFÍ.
Nánar um stjórnarkjör
Kosning til aðalstjórnar.
Úr stjórn eiga að ganga: Anna Beta Gísladóttir, meðstjórnandi og Jóhannes Benediktsson, varameðstjórnandi. Því er kosið um meðstjórnanda og varameðstjórnanda til tveggja ára.
(Sjá 11. grein laga VFÍ um stjórnarkjör).
Kosning í stjórn Kjaradeildar.
Úr stjórn Kjaradeildar VFÍ eiga að ganga: Gunnar Sigvaldason, meðstjórnandi, Helga Helgadóttir, meðstjórnandi, Einar Halldórsson varameðstjórnandi og Lúvísa Sigurðardóttir varameðstjórnandi. Því er kosið um tvo meðstjórnendur til tveggja ára, varameðstjórnanda til tveggja ára og varameðstjórnanda til eins árs.
(Sjá 12. grein laga VFÍ um stjórnarkjör Kjaradeildar).
Kosning í stjórn Deildar stjórnenda og sjálfstætt starfandi.
Úr stjórn Deildar stjórnenda og sjálfstætt starfandi eiga að ganga Bergþór Þormóðsson meðstjórnandi og Davíð Á Gunnarsson varameðstjórnandi. Því er kosið um meðstjórnanda til tveggja ára og varameðstjórnanda til eins árs.
(Sjá 13. grein laga VFÍ um stjórnarkjör Deildar stjórnenda og sjálfstætt starfandi).
Dagskrá aðalfundar samkvæmt félagslögum
1. Skýrsla stjórnar um störf félagsins á liðnu ári.
2. Reikningar félagsins, þ.m.t. reikninga deilda og sjóða félagsins, fyrir undanfarandi starfsár lagðir fram til samþykkis.
3. Fjárhagsáætlun og ákvörðun félagsgjalda.
4. Tillögur félagsstjórnar.
5. Lýst kosningu stjórnar.
6. Kjör endurskoðanda og skoðunarmanns.
7. Lýst kosningu í stjórn Kjaradeildar félagsins.
8. Lýst kosningu í stjórn Deildar stjórnenda og sjálfstætt starfandi.
9. Laun formanns og stjórnarmanna.
10. Laga- og reglugerðarbreytingar.
11. Önnur mál.