Aðalfundur 2024
Verður haldinn í Verkfræðingahúsi, Engjateigi 9.
Aðalfundur Verkfræðingafélags Íslands verður haldinn 30. apríl kl. 17:00. Fundurinn verður í Verkfræðingahúsi, Engjateigi 9. Félagsmenn sem vilja tengjast streymi eru beðnir um að skrá þátttöku með því að senda póst á: tilkynningar@verktaekni.is í síðasta lagi kl. 13 á aðalfundardegi. Þeir sem skrá sig munu fá hlekk á fundinn í tölvupósti. Ársskýrsla ásamt ársreikningi 2024 verður þá einnig birt á vef VFÍ.
Samkvæmt félagslögum átti að skila framboðum í stjórnir félagsins og tillögum sem leggja á fyrir aðalfund eigi síðar en 15. febrúar.
Sjálfkjörið er í stjórnir félagsins og verður kjöri lýst á fundinum. Engar lagabreytingar liggja fyrir.
Samkvæmt reglugerðum sjóða VFÍ á að leggja þær fyrir á aðalfundi félagsins. Engar breytingar eru lagðar til á reglugerðunum.
Dagskrá aðalfundar VFÍ
1. Skýrsla stjórnar um störf félagsins á liðnu starfsári.
2. Reikningar félagsins, þ.m.t. reikningar deilda og sjóða.
3. Fjárhagsáætlun og ákvörðun félagsgjalda.
4. Tillögur félagsstjórnar.
5. Lýst kosningu aðalstjórnar.
6. Kjör endurskoðanda og skoðunarmanns.
7. Lýst kosningu í stjórn Kjaradeildar félagsins.
8. Lýst kosningu í stjórn Deildar stjórnenda og sjálfstætt starfandi.
9. Laun formanns og stjórnarmanna.
10. Laga- og reglugerðarbreytingar.
11. Önnur mál.