Félagsfundur vegna viðræðna við FRV
Boðað til félagsfundar vegna samningaviðræðna við FRV.
Félagsfundur um stöðu mála í kjaraviðræðum VFÍ við FRV/SA
Samninganefnd VFÍ við Félag ráðgjafarverkfræðinga (FRV) boðar til félagsfundar þriðjudaginn 25. nóvember kl. 11:00
Fundurinn verður í Verkfræðingahúsi, Engjateigi 9. Streymt verður frá fundinum.
Hlekkur verður sendur í tölvupósti til félagsmanna á FRV stofum.
(Senda má póst á kjaramal@verktaekni.is ef hlekkur hefur ekki borist sama dag og fundurinn er).
Á fundinum verður rætt um þá grafalvarlegu stöðu sem upp er komin í kjaraviðræðum VFÍ við FRV/SA með síendurteknu tómlæti af hendi viðsemjandans. Samninganefndin er svartsýn á að sex mánaða samningaviðræður undir stjórn sáttasemjara skili nokkrum árangri. Erfitt hefur reynst að knýja fram uppbyggilegt samtal um sjálfsagðar og löngu tímabærar launaleiðréttingar félagsmanna VFÍ sem starfa á verkfræðistofum. Samninganefndin hyggst ræða málin tæpitungulaust og íhuga vandlega næstu skref.
Félagsmenn eru hvattir til að senda inn fyrirspurnir á kjaramal@verktaekni.is sem fulltrúar í samninganefnd reyna að svara eftir bestu getu á fundinum. Einnig verður hægt að nota spjallhólfið í streyminu til að senda inn fyrirspurnir á meðan á fundinum stendur.
Samninganefndin vill hvetja félagsmenn til að taka þátt í umræðunum og sýna samstöðu með því að mæta á staðinn eða með því að fylgjast með í streyminu.
Fyrir hönd samninganefndar VFÍ,
Arnar Hannes Halldórsson, formaður.