Fjölskyldudagur verkfræðinnar verður haldinn í Fjölskyldu- og húsdýragarðinum sunnudaginn 30. ágúst.

Frítt verður í garðinn fyrir félagsmenn VFÍ, maka, börn (og barnabörn) og er aðgangur í tæki innifalinn. Ekki þarf að skrá þátttöku. Félagsmenn framvísa rafrænu félagsskírteini VFÍ við innganginn og geta fengið allt að fimm armbönd sem veita aðgang að garðinum og tækjunum. Armböndin gilda einnig fyrir hressingu VFÍ.

Vísindasmiðjan og Sprengju-Kata á staðnum

Vísindasmiðja Háskóla Íslands og Sprengju-Kata verða á staðnum frá kl. 12–15 í skála við hliðina á veitingasölu garðsins. Þar gefst gestum tækifæri til að prófa fjölbreytt og skemmtileg vísindatengd verkefni.

Á sama tíma verða grillaðar pylsur meðan birgðir endast fyrir gesti VFÍ í garðinum bak við skálann.

Hægt er að nálgast rafrænt félagsskírteini á „Mínum síðum“ á vef VFÍ.

Við hlökkum til að sjá félagsmenn og fjölskyldur þeirra á Fjölskyldudegi verkfræðinnar.