Fjölskyldudagur verkfræðinnar
Í Húsdýragarðinum Laugardal.
Fjölskyldudagur verkfræðinnar verður haldinn í annað sinn í Húsdýragarðinum sunnudaginn 26. ágúst. Frumraunin tókst einstaklega vel en frítt verður í garðinn fyrir félagsmenn, maka og börn þeirra. Garðurinn er opinn frá kl. 10 - 17.
Vísindasmiðja Háskóla Íslands og Stjörnu-Sævar verða á staðnum verða á staðnum frá kl. 12 - 15. - Team Sleipnir frá Háskólanum í Reykjavík mun sýna kappakstursbílinn.
Verða í skála við hliðina á veitingasölu garðsins.
Boðið upp á hressingu. - Súkkulaðiköku, kleinur og safa.
Til að auðvelda undirbúning biðjum við félagsmenn að skrá þátttöku hér fyrir neðan. Tilgreina þarf nafn félagsmanns fjölda fullorðinna og barna. Hámark fimm miðar í boði fyrir hvern félagsmann. (Aðgangur í tækin ekki innifalinn). Listi yfir gesti verður í afgreiðslu garðsins og starfsmenn merkja við.
Vísindasmiðja Háskóla Íslands
Í farandsýningu Vísindasmiðjunnar eru í boði tilraunir, þrautir, tæki, tól, leikir og óvæntar uppgötvanir fyrir alla aldurshópa. Gestir geta meðal annars kynnst undraverðum eiginleikum ljóss, lita, hljóðs og rafmagns, teiknað listaverk með rólu, leikið á syngjandi skál, smíðað vindmyllu, mótað heillandi landslag og margt fleira. Öll fjölskyldan getur upplifað vísindin með lifandi hætti, uppgötvað og leikið sér af hjartans lyst.
Stjörnu-Sævar
Stjörnufræðingurinn Sævar Helgi Bragason eða Stjörnu-Sævar eins og hann er kallaður hefur haft brennandi áhuga á alheiminum frá því að hann man eftir sér. Hann er meðal annars ritstjóri Stjörnufræðivefsins og formaður Stjörnuskoðunarfélags Seltjarnarness. Sævar hefur einstakt lag á að fræða börn og fullorðna um alheiminn og undur hans. Hann mun mæta með eitthvað spennandi á Fjölskyldudag verkfræðinnar eins og loftsteina og steina frá Mars og tunglinu auk þess að gera tilraunir og spjalla við gesti og gangandi.