Fræðslufundur BSTR og VFÍ
Þróunaráætlun Keflavíkurflugvallar - Hermilíkön við ofanflóðavarnir.
Fræðslufundur Byggingarstaðlaráðs og Verkfræðingafélagsins
Byggingarstaðlaráð og Verkfræðingafélagið standa fyrir opnum kynningar- og fræðslufundi hjá Verkís verkfræðistofu að Ofanleiti 2 í Reykjavík. Fundurinn verður haldinn þriðjudaginn 29. apríl 2025 og stendur frá kl. 12:00 til 13:00 og er svokallaður samlokufundur þar sem boðið verður upp á snarl. Hægt verður að fylgjast með fundinum á TEAMS. Join the meeting now
Dagskrá:
ISAVIA - Framkvæmdir og þróunaráætlun Keflavíkurflugvallar
Brynjar Vatnsdal deildarstjóri þróunardeildar ISAVIA fjallar um þróun og stöðu framkvæmda á Keflavíkurflugvelli.
Þróunaráætlun Keflavíkurflugvallar er framtíðarsýn um hvernig flugvöllurinn getur þróast til framtíðar í takti við farþegafjölda og þarfir samfélagsins. Þróunaráætlunin er gerð til 25 ára í senn á grundvelli langtímaspár um þróun á farþegafjölda og er áætlunin tekin til endurskoðunar og uppfærð á fimm ára fresti.
Ofanflóðavarnir – Notkun hermilíkana
Ragnar Láursson hjá Verkís fjallar um notkun hermilíkana við hönnun ofanflóðavarna.
Auk Ragnars eru Kristín Marta Hákonardóttir hjá Umhverfis-, orku- og loftslagsráðuneytinu og Gísli S Pétursson hjá Verkís aðilar að verkefninu og verða á staðnum til að taka þátt í umræðum.
Að loknum erindum verður boðið upp á fyrirspurnir og umræður.