Fyrirlestrar um bermugarða

Hönnun brimvarnargarða og ágjöf sjávar yfir þá.

  • 27.4.2017, 14:00 - 16:00, Vegagerðin
  • Bökugarður á Húsavík

Vegagerðin, í samvinnu við Háskóla Íslands og Verkfræðingafélag Íslands, stendur fyrir fyrirlestrum þar sem kynntar verða hönnunarleiðbeiningar fyrir bermugarða. 

Fyrirlestrarnir eru haldnir í tilefni af útkomu nýrrar bókar um brimvarargarða eftir Jentsje van der Meer og Sigurð Sigurðarson.  

Jafnframt verður kynnt nýútkomið leiðbeiningarit um ágjöf sjávar yfir sjó- og brimvarnir, EurOtop Manual on wave overtopping of sea defences and related structures. Að þessu leiðbeiningarriti stendur hópur evrópskra sérfræðinga með þá Jentsje van der Meer og William Allsop í fararbroddi.  

Fyrirlestrar verða haldnir um þetta efni í Mótorskála Vegagerðarinnar Borgartúni 7, Reykjavík fimmtudaginn 27. apríl milli kl. 2 og 4.

Tveir fyrirlestrarnir fara fram á ensku en einn á íslensku:

  • Sigurður Sigurðarson: Þróun íslenska bermugarðsins

  • Jentsje van der Meer:  Design and Construction of Berm Breakwaters

  • William Allsop: Introduction to the second edition of the EurOtop overtopping manual

Um fyrirlesarana:

  • Jentsje van der Meer er sjálfstætt starfandi ráðgjafi hjá Van der Meer Consulting auk þess sem hann er prófessor hjá háskóla Sameinuðu þjóðanna í málefnum vatns og sjávar, UNESCO-IHE, í Delft í Hollandi. 

  • William Allsop er framkvæmdastjóri sjávarmannvirkja hjá bresku rannsóknarstöðinni HR Wallingford, auk þess sem hann er heiðursprófessor við University College London og gistiprófessor við University of Southampton.

  • Sigurður Sigurðarson er strandverkfræðingur hjá Vegagerðinni auk þess sem hann er sjálfstætt starfandi ráðgjafi í erlendum verkefnum.

Aðgangur að fyrirlestrunum verður ókeypis en þátttakendur eru beðnir um að skrá sig í netfangið g.petur.matthiasson@vegagerdin.is 

Bókin er seld á netinu hjá útgefanda eða Amason, sjá hlekki:

http://www.worldscientific.com/worldscibooks/10.1142/9936

https://www.amazon.com/Construction-Breakwaters-Advanced-Engineering-Hardcover/dp/9814749605

Leiðbeiningaritinu er dreift á netinu án endurgjalds, t.d. hjá:

http://www.overtopping-manual.com/docs/EurOtop%20II%202016%20Pre-release%20October%202016.pdf