IMaR 2022 Nýsköpun - Risaverkefni - Áhætta

Haldin í tengslum við Dag verkfræðinnar.

  • 20.10.2022 - 21.10.2022, Hilton Reykjavík Nordica
  • Esja

Háskólinn í Reykjavík og Verkfræðingafélag Íslands standa í sameiningu fyrir ráðstefnunni IMaR 2022, fyrstu ráðstefnunni hér á landi um nýsköpun, risaverkefni og áhættu. IMaR 2022 er vettvangur til að miðla  þekkingu og reynslu innan og milli atvinnulífs og háskóla. VFÍ fagnar 110 ára afmæli á þessu ári og er ráðstefnan haldin í tengslum við Dag verkfræðinnar. 

Ráðstefnan verður haldin á Hilton Reykjavík Nordica 20. október og Dagur verkfræðinnar 21. október.

Áskoranir framtíðarinnar krefjast nýsköpunar, nýrra hugmynda og tækni, nýrra og sjálfbærra lausna og nýrra aðferða. Framundan eru mörg risaverkefni en áhætta fylgir þeim; áhætta sem stafar af flóknum samskiptum og verkferlum.  Aðlögunarhæfni og framtíðarsýn hefur beint mörgum atvinnugreinum í átt að sveigjanlegu og lipru skipulagi sem ýtir undir nýsköpun, sköpunargáfu en styrkir samtímis reglu og ábyrgð. Þessir eiginleikar eru nauðsynlegir til að ná árangri í heimi sem er sífellt áhættusamari, sveiflukenndari og flóknari. 

Á IMaR 2022 kynna leiðandi fræðimenn, íslenskir og erlendir, hugmyndir, niðurstöður og framtíðarsýn um nokkur af stærstu málum samtímans. Frummælandi ráðstefnunnar er prófessor Dr. Werner Rothengatter sem er heimsþekktur sérfræðingur á sviði risaverkefna og er meðal annars meðhöfundur bókarinnar „Megaprojects and Risk: An Anatomy of Ambition“.

Í framhaldi IMaR höldum við Dag verkfræðinnar. Markmiðið með Degi verkfræðinnar er að kynna verkfræðina og tæknifræðina, spennandi verkefni og störf á því sviði og ekki síst efla tengsl og samheldni meðal íslenskra verkfræðinga og tæknifræðinga.

Áhugafólk um verkfræði, nýsköpun, risaverkefni og áhættusaman heim ætti ekki að láta IMaR framhjá sér fara.

Nánari upplýsingar og skráning fer fram á vef ráðstefnunnar.

Ef upplýsinga er óskað með tölvupósti skrifið til: imar@ru.is

  • 20.10.2022 - 21.10.2022, Hilton Reykjavík Nordica

Háskólinn í Reykjavík og Verkfræðingafélag Íslands standa í sameiningu fyrir ráðstefnunni IMaR 2022, fyrstu ráðstefnunni hér á landi um nýsköpun, risaverkefni og áhættu. IMaR 2022 er vettvangur til að miðla  þekkingu og reynslu innan og milli atvinnulífs og háskóla. VFÍ fagnar 110 ára afmæli á þessu ári og er ráðstefnan haldin í tengslum við Dag verkfræðinnar. 

Ráðstefnan verður haldin á Hilton Reykjavík Nordica 20. október og Dagur verkfræðinnar 21. október.

Áskoranir framtíðarinnar krefjast nýsköpunar, nýrra hugmynda og tækni, nýrra og sjálfbærra lausna og nýrra aðferða. Framundan eru mörg risaverkefni en áhætta fylgir þeim; áhætta sem stafar af flóknum samskiptum og verkferlum.  Aðlögunarhæfni og framtíðarsýn hefur beint mörgum atvinnugreinum í átt að sveigjanlegu og lipru skipulagi sem ýtir undir nýsköpun, sköpunargáfu en styrkir samtímis reglu og ábyrgð. Þessir eiginleikar eru nauðsynlegir til að ná árangri í heimi sem er sífellt áhættusamari, sveiflukenndari og flóknari. 

Á IMaR 2022 kynna leiðandi fræðimenn, íslenskir og erlendir, hugmyndir, niðurstöður og framtíðarsýn um nokkur af stærstu málum samtímans. Frummælandi ráðstefnunnar er prófessor Dr. Werner Rothengatter sem er heimsþekktur sérfræðingur á sviði risaverkefna og er meðal annars meðhöfundur bókarinnar „Megaprojects and Risk: An Anatomy of Ambition“.

Í framhaldi IMaR höldum við Dag verkfræðinnar. Markmiðið með Degi verkfræðinnar er að kynna verkfræðina og tæknifræðina, spennandi verkefni og störf á því sviði og ekki síst efla tengsl og samheldni meðal íslenskra verkfræðinga og tæknifræðinga.

Áhugafólk um verkfræði, nýsköpun, risaverkefni og áhættusaman heim ætti ekki að láta IMaR framhjá sér fara.

Nánari upplýsingar og skráning fer fram á vef ráðstefnunnar.

Ef upplýsinga er óskað með tölvupósti skrifið til: imar@ru.is