Samlokufundur: Íslendingar og fyrsta stórskipahöfnin á Grænlandi
11 milljarða framkvæmdir við höfnina í Nuuk.
Á Samlokufundi fimmtudaginn 2. nóvember mun Haukur Óskarsson tæknifræðingur, framkvæmdastjóri Refskeggs kynna aðkomu Íslendinga að fyrstu stórskipahöfn Grænlendinga sem er í Nuuk. Höfnin, sem var nýverið tekin notkun eftir umfangsmikla stækkun, markar þáttaskil fyrir atvinnulíf í Grænlandi. Heildarkostnaður við framkvæmdina var um 11 milljarðar íslenskra króna.
Samstarfssamningur um vöruflutninga hefur verið gerður við Eimskip og er gert ráð fyrir að það skapist 50 – 100 ný störf fyrir Grænlendinga í Nuuk. Einnig mun önnur starfsemi á Norður Jótlandi færast til Grænlands. Vegna nýju hafnarinnar verður hægt að taka á móti stærri flutninga- og skemmtiferðaskipum auk þess sem allt hafnarsvæðið er stærra. Þar hafa nýjar byggingar risið, aðstaða er betri og athafnalíf hefur eflst.
Fundurinn verður í Verkfræðingahúsi, Engjateigi 9, kl. 12-13.
Félagsmenn VFÍ fá samlokur og drykki. Aðrir greiða sanngjarnt verð fyrir.
Ath. Vegna framkvæmda við Engjateig bendum við á bílastæði á Blómavalsreitnum. Göngustígur er frá stæðinu að Verkfræðingahúsi.
Ljósmynd: Grafík/Sikuki Nuuk Harbour A/S.