Nýr Landspítali - Nýr Skerjafjörður
Kynningar- og fræðslufundur BSTR og VFÍ.
Byggingarstaðlaráð og Verkfræðingafélag Íslands standa fyrir opnum kynningar- og fræðslufundi í Verkfræðingahúsi, Engjateigi 9, þriðjudaginn 15. maí. - Fundurinn stendur frá kl. 12:00 til 13:00 og eru samlokur og drykkir í boði fyrir félagsmenn VFÍ.
Dagskrá:
Nýr Landspítali við Hringbraut
Áskoranir við hönnun á nýja meðferðarkjarnanum við Hringbraut.
Ögmundur Skarphéðinsson, arkitekt og Gylfi Magnússon, verkfræðingur frá Corpushópnum munu fjalla um helstu áskoranir við hönnun meðferðarkjarnans í nýjum Landspítala við Hringbraut. Meðal helstu viðfangsefna eru arkitektúr, skipulag, flæði og burðarvirki.
Nýr Skerjafjörður
Kynning á nýju rammaskipulagi sem er í umfjöllun hjá borgaryfirvöldum.
Páll Gunnlaugsson arkitekt mun fjalla um tillögu ASK arkitekta, Eflu og Landslags sem var valin til útfærslu á rammaskipulaginu.