Rannsóknir í húsnæðis- og mannvirkjamálum
Vinnustofa á vegum VFÍ og FRV.
Verkfræðingafélag Íslands (VFÍ) og Félag ráðgjafarverkfræðinga (FRV) eiga fulltrúa í Vísindaráði mannvirkjagerðar sem hefur það hlutverk að marka stefnu um rannsóknir í húsnæðis- og mannvirkjamálum til lengri og skemmri tíma. Hér má lesa nánar um hlutverk og skipan ráðsins en Ásta Logadóttir, teymisstjóri og verkfræðingur PhD hjá Lotu, situr nú í ráðinu f.h. félaganna.
Félögin boða hér með til vinnustofu til að fá fram sjónarmið félagsmanna hvað varðar möguleg viðfangsefni og rannsóknarþörf. Vinnustofan verður haldin í Verkfræðingahúsi, Engjateigi 9, 105 Reykjavík, þriðjudaginn 20. ágúst nk. kl. 9-11.
Fjöldi þátttakenda er takmarkaður og því nauðsynlegt að skrá mætingu á þessari vefslóð:
https://www.si.is/upplysingar-og-utgafa/a-dofinni/skraning/nanar/2076