Rósaboð Kvennanefndar VFÍ
Árlegt Rósaboð Kvennanefndar VFÍ verður fimmtudaginn 7. febrúar.
Kvennanefnd Verkfræðingafélags Íslands heldur hið árlega Rósaboð fimmtudaginn 7. febrúar næstkomandi kl. 17-19 í Verkfræðingahúsi, Engjateigi 9.
Konum, sem útskrifuðust með próf í verkfræði eða tæknifræði á árinu 2018, er færð rós í tilefni áfangans.
Að venju verður fjölbreytt dagskrá í boði. Meðal annars mun Snædís Ögn Flosadóttir, verkfræðingur, halda erindi, leikin verður lifandi tónlist og boðið upp á léttar veitingar.
Rósaboðið er kjörinn vettvangur til þess að kynnast félaginu betur, hitta aðrar konur úr sömu starfsstétt, stækka tengslanetið og gæða sér á gómsætum veitingum!
Einnig vísum við á www.facebook.com/kvennanefndvfi fyrir nánari upplýsingar.
Kvennanefnd VFÍ.