Samlokufundur - Bylting í notkun ískrapa
Notkun ískrapa í þágu umhverfisins.
Á undanförnum árum hefur fyrirtækið Thor Ice Chilling Solutions unnið að því að þróa lausnir sem hafa jákvæð áhrif ef litið er til umhverfisáhrifa. Lausnirnar byggja á notkun ískrapa til þess að kæla matvöru, drepa bakteríur, lengja líftíma, minnka kolefnisfótspor og vatnsnotkun. Sami búnaður hefur jafnframt verið notaður til þess að hreinsa vatn sem fellur til við matvælaframleiðslu.
Farið verður í tæknina sem notuð er, rætt um framtíðarsýn, notkun „Internets hlutanna“ (e. Internet of Things, IoT) til þess að stjórna ferlinu og bæta tæknina.
Fyrirlesarar eru Þorsteinn I. Víglundsson og Haukur Hilmarsson frá ThorIce.
Fundurinn verður í Verkfræðingahúsi, Engjateigi 9, fimmtudaginn 26. september kl. 12 -13. Að venju fá félagsmenn samlokur og drykki án endurgjalds, aðrir greiða sanngjarnt verð fyrir.
Allir velkomnir.