Samlokufundur: Jafnlaunavottun
Í átt að betri framtíð. - Innleiðing á jafnlaunastaðli.
Á Samlokufundi fimmtudaginn 20. september mun Gyða Björg Sigurðardóttir, BS í rekstrarverkfræði og eigandi Ráður ehf. fjalla um jafnlaunavottun. Hún flutti fyrirlestur um þetta efni á Degi verkfræðinnar síðastliðið vor sem vakti verðskuldaða athygli.
Ráður er fyrirtæki sem sérhæfir sig í ráðgjöf og fræðslu í tengslum við stjórnunarkerfi og stefnumótun. Helstu verkefnin felast í að leiða stærri fyrirtæki í gegnum innleiðingu á Jafnlaunastaðli þannig að þau uppfylli skilyrði jafnlaunavottunar.
Fundurinn verður í Verkfræðingahúsi, Engjateigi 9, kl. 12-13.
Að venju fá félagsmenn samlokur og drykki á endurgjalds, aðrir greiða sanngjarnt verð fyrir. – Allir velkomnir!
Ath. Vegna framkvæmda við Engjateig bendum við á bílastæði á Blómavalsreitnum. Göngustígur er frá stæðinu að Verkfræðingahúsi.