VerkTækni golfmótið 2017

Haldið á Hvaleyrinni fimmtudaginn 10. ágúst.

  • 10.8.2017, Hvaleyri, 6500
  • golfvöllur Hvaleyri

VerkTækni golfmótið verður haldið fimmtudaginn 10. ágúst á Hvaleyrinni. Breytt fyrirkomulag verður á mótinu. Í golfeinvígis milli verkfræðinga og tæknifræðinga verður fyrirtækjakeppni verkfræðistofa og stofnana, þ.e.  sveitakeppni verkfræðistofa og stofnana þar sem verkfræðingar og tæknifræðingar starfa og eru félagsmenn í sameinuðu félagi, Verkfræðingafélagi Íslands. - Ábending varðandi sveitakeppnina, fyrirtækjakeppni verkfræðistofa og stofnana: Keppt er milli sveita verkfræðistofa og stofnana sem hafa verkfræðinga og tæknifræðinga í vinnu sem eru félagsmenn í Verkfræðingafélagi Íslands. Senda má eina eða fleiri sveitir. Einnig geta einyrkjar, einn, tveir eða þrír, sameinast í eina sveit undir nöfnum sinna fyrirtækja. Gengið verður frá skráningu sveita fyrir ræsingu á mótinu.

Skráning í mótið er bæði á skrifstofu VFÍ með tölvupósti og á golf.is - Þátttaka er mjög góð en ekki er búið að skrá alla inn á golf.is

Dagskrá í grófum dráttum

11:00 Fyrsta ræsing samkvæmt skráningu hjá VFÍ eða GK og síðan á 10 mínútna fresti til 14:00.

18:30 Kvöldverður og verðlaunaafhending í Verkfræðingahúsi, Engjateigi 9. 

Staðsetning og fyrirkomulag

VerkTækni Opið verður nú haldið í tuttugasta sinn og fer að þessu sinni fram á golfvelli GK á Hvaleyrinni fimmtudaginn 10. ágúst.  Mótið er einungis fyrir verkfræðinga og tæknifræðinga sem eru félagmenn í Verkfræðingafélagi Íslands, maka þeirra og gesti.  

Keppt  er milli sveita verkfræðistofa og stofnana sem hafa verkfræðinga og tæknifræðinga í vinnu sem eru félagsmenn í Verkfræðifélagi Íslands. Senda má eina eða fleiri sveitir.

Fyrirtækjakeppni verkfræðistofa og stofnana:
- Í hverri sveit eru 2 til 3 spilarar og gilda tvö bestu skor skv. Stableford punktakeppni einstaklinga, með fullri forgjöf.  Sú sveit, sem hlýtur besta skor með forgjöf telst sigurvegari, annað sæti fyrir næst besta og þriðja sæti fyrir þriðja besta skor.  Karlar og konur leika af þeim teigum sem þau velja og þá með samsvarandi forgjöf viðkomandi vallar.  Hæsta gefin forgjöf  er 36 högg. 

Einnig er keppt í eftirtöldum flokkum einstaklinga:  

Félagsmenn í Verkfræðingafélagi Íslands
- Punktakeppni með fullri forgjöf, veitt eru verðlaun fyrir þrjú efstu sætin.
Leikinn er 18 holu Stableford punktakeppni með fullri forgjöf.  Karlar og konur leika af þeim teigum sem þau velja og þá með samsvarandi forgjöf viðkomandi vallar.  Hæsta gefin forgjöf er 36 högg.  Einnig er keppt um farandgrip og er hann áritaður með nafni sigurvegarans. 

Gesta- og makakeppni
-
Punktakeppni með fullri forgjöf, veitt eru verðlaun fyrir þrjú efstu sætin.
Leikinn er 18 holu Stableford punktakeppni með fullri forgjöf.  Karlar og konur leika af þeim teigum sem þau velja og þá með samsvarandi forgjöf viðkomandi vallar.  Hæsta gefin forgjöf er 36 högg. 

Tilkynnt verður um önnur verðlaun á staðnum, til dæmis nándarverðlaun o.þ.h.

Skráning

Hægt er að skrá sig strax með því að senda tölvupóst á skrifstofa@verktaekni.is  Einnig er skráning á golf.is - Golfklúbbnum Keili.  Skrá skal forgjöf allra þátttakenda, félaga, maka og gesta. Fyrsta holl verður ræst út  á fyrsta teig  kl. 11:00.  Mótsstjórn mun endurraða í holl telji hún þörf á því.  

Lokadagur skráningar er 8. ágúst.  Mótsgjald kr. 6.500.-

Nánari upplýsingar
Mótsnefnd:  Víðir Bragason ( vidir.bragason@reykjavik.is), Guðmundur Pálmi Kristinsson (gudmundur.palmi.kristinsson@reykjavik.is), Ingvi Árnason (ingvi.arnason@vegagerdin.is), Kristinn J Kristinsson(krjk@verkis.is),  Lára Hannesardóttir (hannesdottir@gmail.com),

Hámarksfjöldi í mótinu verða um 70 þátttakendur.  Takið daginn  strax frá og skráið ykkur sem fyrst í þetta skemmtilega mót.