Vinnustofa: Jákvæð andleg orka á tímum óvissu
60 mínútna vinnustofa á fjarfundi. - BIÐLISTI.
FULLBÓKAÐ ER Á VINNUSTOFUNA. - TEKIÐ ER VIÐ SKRÁNINGUM Á BIÐLISTA. STEFNT ER AÐ ÞVÍ AÐ ENDURTAKA VINNUSTOFUNA Í LOK OKTÓBER.
Góð andleg orka og tilfinningalegt jafnvægi er eitt okkar allra mikilvægasta og sterkasta vopn þegar á móti blæs. Það getur verið krefjandi verkefni að ná góðum tökum á tilfinningalegu jafnvægi og viðhalda jákvæðri andlegri orku og því er mikilvægt að tileinka sér leiðir til þess.
Fjöldi þátttakenda er takmarkaður. Þau sem vilja taka þátt í vinnustofunni eru beðin um að skrá sig með því að senda tölvupóst: hulda@verktaekni.is
Neikvæðar tilfinningar leiða til óskynsamlegra viðbragða, trufla rökhugsun og tæma orkubirgðir okkar hratt. Það er ríkuleg uppspretta orku og gleði að vera meðvituð um hvað skiptir okkur raunverulega máli í lífinu.
Á þessum óvenjulegu og krefjandi tímum ætlum við að draga fram þann hluta Orkustjórnunar sem snýr að andlegu orkunni og tilfinningalegu jafnvægi. Leiðbeinandi: Hlynur Atli Magnússon ráðgjafi hjá Hagvangi / M.Sc. í mannauðsstjórnun og vinnusálfræði.
Markmið vinnustofunnar er að:
· Auka vellíðan og orku á erfiðum tímum
· Auka jákvæðni og skapa þannig besta liðið
· Tileinka sér verkfæri til þess að stjórna eigin tilfinningum.
· Fanga hugmyndir um hvernig megi fá fólk með sér í lið í jákvæðninni
· Átta sig á því hvað hleður okkur jákvæðri orku og stuðlar að jákvæðum tilfinningum
· Átta sig á fórnarkostnaði við það að dvelja of lengi við neikvæðar tilfinningar