Vorferð Öldungadeildar VFÍ í Dalina vestur
Vorferð í Dalina vestur dagana 5. og 6. júní 2024.
SKRÁNINGU AÐ LJÚKA - Nokkur sæti laus.
Stjórn Öldungadeildar VFÍ hefur skipulagt vorferð fyrir félagsmenn og maka í Dalina vestur dagana 5. og 6. júní 2024.
Farið verður með rútu frá Reykjavík kl. 9:00 áleiðis til Búðardals í Dalasýslu en þar um slóðir eru margir helstu sögustaðir Laxdælu og Sturlungu.
Ekið verður um svokallaðan söguhring . Þar er meðal annars Hvammur þar sem Auður djúpúðga nam land, Staðarhóll þar sem Sturla Þórðarson bjó og skrifaði Íslendingasögu og Skarð sem þekkt er af baráttu Ólafar ríku við Englendinga. Einnig eru þar slóðir eins frægasta ástarþríhyrnings íslenskra bókmennta; Bolla, Kjartans og Guðrúnar Ósvífursdóttur.
Gist verður á Dalahóteli í Sælingsdal og haldið áfram næsta dag með meðal annars söguskoðun um landafundi Grænlands og Vínlands í Vínlandssetrinu í Búðardal og í tilgátuhúsinu að Eiríksstöðum þar sem Eiríkur rauði er talinn hafa búið. Heimkoma er áætluð í síðasta lagi kl. 18:00.
Leiðsögumaður verður Halla Steinólfsdóttir sem er búsett á Skarðsströnd og gjörþekkir allar aðstæður.
Verð áætlað á bilinu kr. 43.000 – 48.000 pr. mann.
Innifalið: Rúta, gisting á hóteli með þriggja rétta kvöldverði og morgunverði, aðgangur að söfnum, hádegisverður og hressing í rútunni.
Fjöldi þátttakenda takmarkast við fjölda hótelherbergja.
Félagsmenn eru beðnir um að tilkynna áhuga á þátttöku sem fyrst. - Fyrstir koma fyrstir fá.
Þátttaka tilkynnist á netfangið: tilkynningar@verktaekni.is
Ljósmynd: www.west.is