Orlofssjóður VFÍ -
Félagar í Orlofssjóði VFÍ eru þeir félagsmenn sem greitt er fyrir í sjóðinn. Iðgjöld í sjóðinn eru 0,25% af launum og eru greidd af vinnuveitanda.
Í sjóðinn er nú greitt fyrir verkfræðinga og tæknifræðinga hjá ríki og Reykjavíkurborg auk flestra á almennum markaði að undanskildum verkfræðistofum, en þær skila í undantekningartilvikum greiðslum í sjóðinn. Sjálfstætt starfandi félagsmenn geta greitt í sjóðinn einnig eru dæmi um að launamenn greiði sjálfir iðgjöld til sjóðsins.
Að gefnu tilefni skal tekið fram að ungfélagar hafa ekki rétt til að leigja orlofshús OVFÍ nema greitt sé reglulega iðgjald í sjóðinn af vinnuveitanda.
Athugið að bókaðar og greiddar orlofsvikur eru ekki endurgreiddar. Ef afpantað er með lengri en einnar viku fyrirvara myndast inneign að hámarki 75% sem nýtist umsækjanda við næstu umsókn. (Ef afpantað er með viku eða styttri fyrirvara myndast ekki inneign).
Orlofssjóðurinn á fimm orlofshús og íbúð á Akureyri. Þrjú orlofshúsanna eru í Hraunborgum í Grímsnesi, eitt í Húsafelli og eitt í Árnesi. Þá hefur sjóðurinn leigt til lengri tíma fjögur orlofshús að Stóruborg í Borgarfirði (Klapparholt). Einnig hefur sjóðurinn tekið á leigu íbúð við Nónhæð í Garðabæ. Framboð á sumrin er meira því sjóðurinn tekur hús og íbúðir á leigu yfir sumartímann.
Nú eru í byggingu tveir glæsilegir sumarbústaðir í Húsafelli.
Gæludýr eru einungis leyfð í Klapparholti - Stóruborg nr. 8 og 10 og í Hraunborgum - Álfasteinssundi 19.
Á sumrin eru húsin leigð frá föstudegi til föstudags.
Á veturna eru húsin leigð frá fimmtudegi til fimmtudags, verðið er kr. 20.000.- fyrir viku leigu. Nýi bústaðurinn í Hraunborgum er mun stærri en önnur hús og vikan kostar kr. 25.000.-
Uppsöfnun punkta og frádráttur
Sjóðfélagar safna punktum sem veita réttindi, einn punktur fyrir hvern mánuð sem greitt er í sjóðinn. Vetrarleiga „kostar" þrjá punkta en leiga um sumar, í vetrarfríum og páska 36 punkta. Punktar eru færðir inn í marsmánuði ár hvert og þá fram að áramótum árið á undan.
Athugið að kerfið heimilar -36 punkta. Fari punktastaða neðar er ekki hægt að bóka á vefnum. Í þeim tilvikum er hægt að bóka með því að hafa samband við skrifstofuna tveimur vikum eftir að opnað hefur verið fyrir tiltekið tímabil.
Félagsmenn VFÍ sem ekki eru í Orlofssjóðnum geta leigt orlofshús með viku fyrirvara og greiða 50% álag á leiguna.
Bókunarvefur
Í maí 2016 tók Orlofssjóður VFÍ í notkun nýjan bókunarvef fyrir orlofshúsin. Athugið að ekki þarf að skrá sig til að skoða þá kosti sem eru í boði.
Hvernig geri ég?
Leiðbeiningar um innskráningu.
Leiðbeiningar til að sækja um.
Ferðaávísun
Allir gistimöguleikar, aðrir en orlofsbústaðir og -íbúðir eru nú undir Ferðaávísuninni, sem er inneign sem hægt er að nota til að greiða fyrir gistingu hjá fjölmörgum samstarfsaðilum. Einnig er í boði Útilegukortið, Veiðikortið og gjafabréf frá Icelandair. Nánari upplýsingar.