Námskeið um hlutverk og verkefni trúnaðarmanna
Kjörið tækifæri fyrir alla áhugasama.
Það er mjög mikilvægt að á öllum meðalstórum og stærri vinnustöðum sé starfandi trúnaðarmaður sem gætir réttinda starfsmanna og er tengiliður þeirra við stéttarfélagið.
Við viljum hvetja alla félagsmenn okkar á vinnustöðum með fimm starfsmenn eða fleiri til að kjósa sér trúnaðarmann. Athugið að ef aðeins einn gefur kost á sér er hann sjálfkjörinn. Trúnaðarmenn skal kjósa til tveggja ára í senn. Val trúnaðarmanna skal tilkynna vinnuveitanda og Kjaradeildar VFÍ á sérstöku eyðublaði, sjá hér fyrir neðan.
Kjaradeild Verkfræðingafélags Íslands hyggst efna til námskeiðs fyrir hádegi 15. og 16. október um lögbundið hlutverk og verkefni trúnaðarmanna. Námskeiðið verður í boði fyrir alla núverandi trúnaðarmenn félagsins og einnig alla þá sem hafa áhuga á að gerast trúnaðarmenn á sínum vinnustað, sjá dagskrá hér fyrir neðan.
Skráning á trúnaðarmannanámskeið er með tölvupósti: kjaramal@verktaekni.is
Nánari upplýsingar veita Elsa María, sviðsstjóri kjaramála, og Ingibjörg Ósk, kjaramálafulltrúi.
Netfang: kjaramal@verktaekni.is
Tilkynning til fyrirtækis um kjör trúnaðarmanns. (Almennur markaður).
Tilkynning til stofnunar um kjör trúnaðarmanns. (Opinber markaður).
Stéttarfélag tölvunarfræðinga (ST) og Stéttarfélag byggingarfræðinga (SFB) eru með þjónustusamning við skrifstofu VFÍ. Félagsmenn ST og SFB eru velkomnir á námskeiðið.