Stjórn VFÍ ályktar um skólakönnun
Ísland er í 33. sæti.
Stjórn Verkfræðingafélags Íslands (VFÍ) hefur sent fjölmiðlum ályktun þar sem vakin er athygli á niðurstöðum stórrar könnunar á vegum OECD um kunnáttu 15 ára nemenda í stærðfræði og raungreinum.
Stjórn VFÍ telur niðurstöðuna óviðunandi fyrir Ísland og mikilvægt að yfirvöld menntamála bregðist við. Í könnuninni er dregið fram samband hagvaxtar og gæða menntunar.
Stjórn VFÍ hefur áður lýst áhyggjum félagsins af stöðu stærðfræði og raungreina í skólakerfinu. Niðurstöður könnunarinnar hljóta að vera mikilvægt innlegg í umræðu um styttingu framhaldsskólans.
Efsta Evrópuþjóðin eru Finnar í 6. sæti og Eistland er í 7. sæti.
Næstu Norðurlandaþjóðir þar á eftir eru Danmörk í 22. sæti og Noregur í 25. sæti.
Ísland er í 33. sæti.
- Næsta færsla
- Fyrri færsla