Fréttir

Desemberuppbót skal greiða eigi síðar en 15. desember samkvæmt kjarasamningum. 

Frá 1. janúar 2018  verður VFÍ aðili að ANE (Association of Nordic Engineers). Aðildarumsókn VFÍ var samþykkt á formannafundi ANE í Stokkhólmi í dag, 29. nóvember.

Frá Samlokufundi um pappírslausan verkstað.

Til að nýta skattfrjálsan styrk til heilsueflingar þarf að sækja um fyrir 1. desember.

Merkisnefnd VFÍ tekur nú upp þá nýbreytni að óska eftir rökstuddum tilnefningum frá félagsmönnum.

100 ár liðin frá fæðingu Jóhannesar Zoëga verkfræðings og heiðursfélaga VFÍ.

Grein sem birtist í Morgunblaðinu eftir Pál Gíslason, formann VFÍ. 

Það var mikill áhugi á fyrirlestri Gnýs Guðmundssonar um raforkuflutningskerfið á Íslandi.

Dagatal með viðburðum á vegum VFÍ frá ágúst 2017 fram yfir aðalfund í apríl 2018.

Orlofsúthlutun OVFÍ fyrir vetrarfrí í október 2017 er lokið. 

Miðvikudaginn 27. september nk. heldur Vatns- og fráveitufélag Íslands málþing til heiðurs Degi Jónssyni veitustjóra Hafnarfjarðar, sem féll frá fyrr á árinu.

Nú er opið fyrir umsóknir í vetrarfríum grunnskólanna í október. Umsóknarfrestur er til mánudagsins 25. september.

Málþing á vegum Íslenska byggingavettvangsins fimmtudaginn 21. september kl. 9-12 á Hilton Reykjavík Nordica. 

Það var húsfyllir á morgunfundi Kvennanefndar um Borgarlínuna. 

VFÍ er gestgjafi á ársfundi NORDING sem er samstarfsvettvangur norrænna félaga verkfræðinga og tæknifræðinga. Á fundinum er farið yfir stöðu mála á vinnumarkaði og helstu verkefni hvers félags.

Árlegt golfmót verkfræðinga og tæknifræðinga, Verktækni golfmótið, var haldið í tuttugasta skiptið 10. ágúst sl. ÍAV/Ferill vann sveitakeppnina.

Fjölskyldudagur verkfræðinnar verður haldinn í fyrsta sinn í Húsdýragarðinum sunnudaginn 27. ágúst. 

Skrifstofa Verkfræðingafélags Íslands verður lokuð vegna sumarleyfa frá 10. júlí til 8. ágúst.

Norðurlandsdeild VFÍ hélt samlokufund um raforkumál og afhenti hetjunum hálfa milljón króna.

Niðurstöður kjarakönnunar Kjaradeildar VFÍ liggja fyrir. Könnunin er einfaldari en áður og var spurt um laun í febrúar 2017. Með því að skoða laun eftir starfsaldri, lífaldri, fagsviði og starfssviði má nálgast þau markaðslaun sem við eiga fyrir hvern einstakling.

Orlofsuppbót á almennum markaði er kr. 46.500.- miðað við fullt starf. Orlofsuppbót er ekki greidd samkvæmt samningi VFÍ við FRV (Félag ráðgjafarverkfræðinga).

Dagur verkfræðinnar þótti takast einstaklega vel. Við gerðum stutt myndband til að fanga stemmninguna.

Á morgun verður upphafsfundur fyrir þróunarverkefni í Úganda. Yfirskriftin er Engineers for Global Development og svipar til Lækna á landamæra.

Kjarakönnun Kjaradeildar VFÍ stendur nú yfir. Við hvetjum félagsmenn til að taka þátt.

Dagur verkfræðinnar verður haldinn í þriðja sinn föstudaginn 7. apríl á Reykjavík Hilton Nordica. Fyrir liggur fjölbreytt og spennandi dagskrá. 

Formaður og framkvæmdastjóri VFÍ áttu nýverið fund með Lotte Ellegaard sviðsstjóra alþjóðasamskipta og vinnumarkaðar hjá IDA, danska verkfræðinga- og tæknifræðingafélaginu. 

Námskeið í launaviðtölum. Haldið í Verkfræðingahúsi, mánudaginn 6. mars kl. 9-12. Leiðbeinandi er Gylfi Dalmann Aðalsteinsson, dósent við Viðskipta- og hagfræðideild HÍ.

Það var mikill áhugi á fyrirlestri Pálma Stefánssonar efnaverkfræðings um mataræði og heilsufar. Pálmi var gestur á Samlokufundi VFÍ og var salurinn þétt setinn.

 Glærur og upptaka eru komnar á vefinn.

Stjórnvöld þurfa að endurskoða leyfisferli framkvæmda og stuðla þannig að skilvirkni og sátt. Þetta kom fram á morgunverðarfundi Verkfræðingafélags Íslands.

Fundurinn var framhald af fundi í nóvember þar sem greindir voru kostir og gallar núverandi leyfisferlis framkvæmda á Íslandi. Glærur frá fundinum eru komnar á vefinn. Streymt var frá fundinum og hér er upptakan.

Morgunverðarfundur á vegum Verkfræðingafélags Íslands fimmtudaginn 16. febrúar á Hilton Reykjavík Nordica. Húsið opnar kl. 8:00 með léttum morgunverði. Dagskráin hefst kl. 8:30 og fundi lýkur kl. 10.
Streymi frá fundinum.

Fundurinn er framhald af Morgunverðarfundi VFÍ sem haldinn var í nóvember þar sem greindir voru kostir og gallar núverandi leyfisferlis framkvæmda á Íslandi.

Frá og með haustönn 2017 mun Háskóli Íslands í samstarfi við Keili bjóða upp á nýja námslínu í iðntæknifræði fyrir efna- og líftækniiðnað. Á undanförnum árum hefur verið mikill skortur á fólki með tæknitengda háskólamenntun og er námslínunni ætlað að mæta breyttum áherslum í atvinnulífinu og nýjum tækifærum tengdum nýsköpun, þróun og hönnun framleiðsluferla. Upplýsingar um nám í iðntæknifræði.

Námskeið fyrir mannvirkjahönnuði, sem óska löggildingar Mannvirkjastofnunar til að gera aðal- og séruppdrætti sbr. ákvæði 25. og 26.gr. laga um mannvirki nr. 160/2010,  verður haldið í mars 2017, ef næg þátttaka fæst. Athugið að umsóknarfrestur var framlengdur til 20. febrúar.

Kynningarfundur um orlofsmál tæknifræðinga var haldinn í hádeginu í dag. Glærur og upptaka frá fundinum.

Til stóð að opna fyrir umsóknir í sjóði VFÍ í dag, 1. febrúar. Vegna tæknilegra örðugleika verður að fresta því um sinn. Vonast er til að þetta verði komið í lag fyrir helgi. Við biðjumst velvirðingar á þessum óþægindum.

Dagur verkfræðinnar verður haldinn í þriðja sinn föstudaginn 7. apríl á Hilton Reykjavík Nordica. Við leitum til félagsmanna og köllum eftir hugmyndum og tillögum að fyrirlestrum. Einnig viljum við gjarnan fá fleiri félagsmenn í undirbúningsnefndina.

Allir velkomnir og aðgangur er ókeypis. Ábendingar og tillögur vegna Dags verkfræðinnar 2017 má senda með tölvupósti: sigrun@verktaekni.is 

Kvennanefnd Verkfræðingafélags Íslands heldur hið árlega Rósaboð fimmtudaginn 2. febrúar næstkomandi kl. 17-19 í sal Verkfræðingafélags Íslands, Engjateigi 9. Konum, sem útskrifuðust með próf í verkfræði eða tæknifræði á árinu 2016, verður færð rós í tilefni áfangans. Félagskonum VFÍ er boðið að fagna þeim nýútskrifuðu og bjóða þær velkomnar í hópinn með þessum táknræna hætti.

Á Samlokufundi, fimmtudaginn 26. janúar, munu stofnendur Crowberry Capital fjalla um fjármögnun þekkingarfyrirtækja á fyrstu stigum. Spáð verður í þróun fjármögnunarumhverfisins á Íslandi og einstaka atvinnugreina. Tölulegar staðreyndir viðraðar um fjárþörf, verðmöt og ávöxtunarkröfur.

Um áramótin sameinuðust Verkfræðingafélag Íslands og Tæknifræðingafélag Íslands undir heiti þess fyrrnefnda. Vegna sameiningar sjóða félaganna verður ekki hægt að senda inn umsóknir í sjóði félagsins í janúar.  Þessi ráðstöfun var tilkynnt félagsmönnum með tölvupósti 21. desember. Athugið að vef TFÍ verður lokað 2. janúar 2017. Nýr vefur fyrir sameinað félag er í smíðum. Kjaratengdar upplýsingar fyrir tæknifræðinga eru á vef VFÍ. Í því sambandi er rétt að minna á að félögin hafa gert sameiginlega kjarasamninga mörg undanfarin ár.