Ályktun vegna ákvörðunar kjararáðs
Vinnur gegn sátt og stöðugleika á vinnumarkaði.
Stjórnir Kjaradeildar VFÍ og Kjarafélags TFÍ hafa sent frá sér ályktun þar sem nýkjörið Alþingi er hvatt til þess að endurskoða úrskurð kjararáðs um launakjör æðstu embættismanna þjóðarinnar.
Ályktunin er svohljóðandi:
Stjórnir Kjaradeildar Verkfræðingafélags Íslands og Kjarafélags Tæknifræðingafélags Íslands hvetja nýkjörið Alþingi til þess að endurskoða úrskurð kjararáðs frá 29. október sl. um launakjör æðstu embættismanna þjóðarinnar.
Ákvörðun kjararáðs setur markmið sem sett hafa verið á vinnumarkaði í uppnám og stefnir þeim árangri sem náðst hefur í voða.
Úrskurður kjararáðs er ekki í samræmi við almenna launaþróun í landinu og vinnur gegn sátt og stöðugleika á vinnumarkaði. Það er því afar brýnt að fram fari heildarendurskoðun á lögum um kjararáð með það að markmiði m.a. að bæta verklag og auka gagnsæi.
- Næsta færsla
- Fyrri færsla