Umsögn: Bætt nýting virkjana
Ný umsögn stjórnar Verkfræðingafélags Íslands.
Stjórn Verkfræðingafélags Íslands skilaði umsögn varðandi áform um breytingu á lögum um verndar- og orkunýtingaráætlun nr. 48/2011 – bætt nýting virkjana. Mál nr. 31/2022.
Verkfræðingafélag Íslands styður þau áform sem kynnt hafa verið og fela í sér að einfalda ferlið við að bæta nýtingu virkjana í rekstri. Í umsögninni segir meðal annars: „Um þjóðþrifamál er að ræða og hvetur VFÍ eindregið til þess að þessum áformum verði hrint í framkvæmd."
Verkfræðingafélag Íslands vill taka þátt í stefnumótun, lagasetningu og ákvarðanatöku. Félagið er virkur umsagnaraðili um málefni er tengjast hagsmunum félagsmanna og samfélagsins í heild.