Tillögur ANE og jafnréttisstefna ESB

Minnt á mikilvægi STEM í umræðu um jafnrétti.

12. ágú. 2025

ANE (Association of Nordic Engineers) hefur skilað inn umsögn vegna samráðs Evrópusambandsins um jafnréttisstefnu 2026–2030.

Helstu skilaboð ANE eru að STEM greinar verða að vera í lykilhlutverki í umræðu um stöðu og stefnu í jafnréttismálum. Konur eru enn í minnihluta á sviðum STEM og eru einungis um 20% vinnuafls í þessum greinum. Á sama tíma er spáð skorti upp á tvær milljónir vísinda- og verkfræðimenntaðra starfsmanna í Evrópu. 

Tillögur ANE eru í meginatriðum þessar:

• Setja skýr markmið og mælikvarða til að auka þátttöku kvenna í STEM.
• Tryggja ábyrgð og eftirfylgni.
• Styðja við fræðslu frá unga aldri, tryggja leiðsögn og gera fyrirmyndir í STEM sýnilegar. 

ANE vill vinna gegn ranghugmyndum sem letja stúlkur til að leggja fyrir sig vísindi og tækni. Rannsóknir sýna að staðalímyndir myndast strax á grunnskólaaldri og móta bæði starfsdrauma og námsval.

Nánari upplýsingar á vef ANE.